BILBO, 16 Feb. (EUROPA PRESS) -
Agerre Teatro konpainiak bat egingo du Bizkaiko Antzerki Ikastegiaren (BAI) 15. urteurrenarekin, eta biek batera, "¿Es usted también don Quijote?" (Zu ere On Kixote?) lanaren taularatuko dute ostiral honetan, otsailaren 17an, Barakaldo Antzokian. Miguel de Cervantesek asmatutako pertsonaiaren inguruko dramaturgia eta zuzendaritza Maite Agirrerena da, Artezblaik jakinarazi duenez.
Agerraldiko antzezleak BAIko azken ikasturteko ikasleak izango dira, eta eurekin batera gauzatutako egitura malgua eta zabala duen dramaturgia abiapuntutzat hartuta, Bizkaian kokatzen da On Kixoteren inguruko antzezlana. Interpreteak konposatutako bost abesti batzen dituen ikuskizun koral eta orkestralak agerian jartzen du lantaldearen aztarna pertsonala, ondorioa sorkuntza bakarra eta errepikaezina izanik.
Gaur egungo krisi garaian ekoiztutako ikuskizuna izanik, "berritzea, egiten ari garen lana eta gure lan eremuaren inguruko hausnarketa egitea" beharrezkoa dela dio Maite Agirrek. Horrez gain, bere esanetan, "antzerkia norentzat egiten ari garen pentsatu behar dugu, kontuan izan behar delako agerraldi bakoitza banan-banan egiten dela eta ikusleen eta antzezleen artean gauzatzen den aztarna artistiko eta kulturala, ikuskizun aberasgarri eta oparoaren ondorioa dela".
Barakaldon izango den "Zu ere On Kixote?" obraren agerraldiak Agerre Teatroaren ezaugarri nagusiari eusten dio, konpainiak eskaintzen duen agerraldi bakoitzean ikuskizun "pertsonalizatua" eszenaratzen duelako. Izan ere, Maite Agirreren konpainiak, "¿Es usted también Don Quijote?" eta "Puta, vieja, alcahueta, Celestina" obren bertatik bertarako moldaketak egin zituen abenduan eta urtarrilean Argentinako Rosario hirian eta Txileko Txiloe uhartedian eskainitako agerraldietan.
