GASTEIZ, 3 Sep. (EUROPA PRESS) -
Arabako Foru Aldundiak Transportes Rurales de Álava aldi baterako enpresen elkarteari esleitu dio, 197.524 eurotan, lurraldeko urtegien ertzetako eta jende asko ibiltzen den guneetako hondakinak biltzeko zerbitzua. Zehazki, errefusa hondakinak eta ontzi arinak dira, hots,
edukiontzi beltz eta horietan jasotzen direnak.
Aipatu bezala, zerbitzu horretarako erabiliko den aurrekontua 197.524 eurokoa izango da kontratuaren lau urteko indarraldian, eta urteko 49.381 euroko ekarpenetan banatuko da.
Ingurumen eta Hirigintza Sailak urtegietan eta haietarako sarbideetan zerbitzu hori jartzearen alde Aldundiak egin duen apustua nabarmendu du. Zehazki, urteko lehen zazpi hilabeteetan, foru erakundeak 120.860 kilogramo errefusa hondakin (edukiontzi beltza) eta 14.220 kilogramo ontzi (edukiontzi horia) bildu ditu.
