BILBO, 18 (EUROPA PRESS)
EIKEN Euskadiko Ikus-Entzunezko eta Eduki Digitalen Klusterra Argentinako ikus-entzunezko industriako ordezkariak izango ditu gonbidatu aste honetan. Bisita honekin, Eikenek Euskadiren eta Argentinaren artean sortutako nazioarteko harremanak finkatzea bilatzen du, martxoan Buenos Airesera egindako zuzeneko misioaren ondoren. Orduan, klusterreko bost
enpresa joan ziren Hego Amerikako herrialdera.
Valeria Bistagnino CAPIT ekoiztetxe argentinarreko ganberako ordezkaria, Axel Monsu Misiones probintziako ikus-entzunezko institutuko koordinatzailea, Marcelo Ortega Oeste Films-en zuzendaria eta Film Andes Mendoza probintziako klusterreko lehendakaria eta Fabrico Ferrara Buenos Aireseko Ikus-Entzunezko Klusterreko (BACA) ordezkaria izango dira argentinar ordezkaritzan. Talde honek ikus-entzunezko proiektuentzako eta ezaguera trukeko zein berrikuntza programentzako bazkideak bilatzen
ditu Euskadin.
Buenos Airesen egindako egonaldian, lan bilerak izateaz gain, euskal enpresek ekoiztetxe ezberdinak bisitatu zituzten, esaterako, POL-K ekoiztetxea, eta telebista kanalak ere, Telefe edo kanal publikoa
adibidez. Misio horri esker, hainbat kolaborazio akordio lortu ziren eta etorkizunean emaitzak ematea espero den harremanak hasi ziren.
Orain, Argentinako ordezkaritza Bilbora egingo duen bisitan, jarduera
ezberdinak antolatuko dira euskal enpresa eta erakundeekin, haien harremana sendotzeko helburuarekin, akordioak sinatuz eta lankidetza programa eta koprodukzioen bitartez. Horrela, gonbidatu argentinarrak ekoiztetxe desberdinen eta EiTBren instalazioak bisitatuko dituzte, eta bi herrialdeetako enpresek haien proiektuak aurkeztuko dituzte bi ekitalditan.
