DONOSTIA, 16 Ago. (EUROPA PRESS) -
Donostiako Ertzain-etxeko agenteek astearte honetan, abuztuak 16, 20 urteko gizonezko bat atxilotu dute, beste gizonezko bati jotzearen eta lesio larriak eragitearen akusaziopean.
Goizeko zortziak baino pixka bat lehenago, Kontxako Pasealekutik zaintza lanak egiten ari zen herritarren segurtasunerako patruila bateko kideek ikusi zuten bi gazte eztabaidatzen hasten zirela eta horietako batek, eztabaida horren barruan, ukabilkada gogorra jotzen ziola besteari aurpegian. Agenteek berehala esku hartu zuten liskarrari amaiera emateko. Ikusi zuten biktimak odol-jario handia zuela ahoan, zenbait hortz mugitzen zitzaizkiola eta masailezurrean lesioren bat izan zezakeela.
Zauritua artatzeko anbulantzia bat bertara zedin eskatu zuten ertzainek, eta anbulantziak Donostia Ospitalera eraman zuen biktima. Ondoren, erasotzailea, 20 urtekoa, lesio-delituaren akusaziopean atxilotu, eta polizia-dependentzietara eraman zuten, epailearen aurrera eraman aurreko bidezko tramiteak egiteko, Ertzainak jakinarazi duenez.
