BILBO, 8 Ago. (EUROPA PRESS) -
Bandera gorria dago gaur (hilak 8, asteazkena) Bizkaiko La Arena eta Barinatxe hondartzetan; horrenbestez, ez da bertan bainatzerik izango. Hala eman du jakitera Bizkaiko Gurutze Gorriak, ohar bidez. Bandera horia dago, bestalde, Azkorri, Arriatera-Atxabiribil, Bakio, Toña, San Antonio eta Laga hondartzetan; hortaz, arretaz bainatzeko gomendioa eman dute.
Gipuzkoako Gurutze Gorriak, bere aldetik, aditzera eman du gaur ez dagoela bandera gorririk Gipuzkoako hondartzetan. Zurriolako Sagües zonaldean, Orion, Zarautzen eta Gaztetapen, berriz, bandera horia dago. Bestetik, kontuan izanda artatzen diren osasun laguntza gehienak zauriengatik eta mozketengatik izaten direla, Gurutze Gorriak gomendatzen du sandaliak erabiltzea, bereziki harriak dauden zonaldeetan eta hondartzetan ibiltzeko.
