cia" class="NormalTextoNoticia" itemprop="articleBody">
BILBO, 25 (EUROPA PRESS)
Berrikuntzan aritu zen Euskal Autonomia Erkidegoko (EAE) hamar langile eta gehiagoko enpresen portzentajea %38,9 izan zen 2010. urtean. Hala ere, portzentaje horrek aldaketak zituen eskualdeen arabera aztertuz gero, Eustatek gaur argitaratu dituen datuen arabera.
Horrela, Arabako Gainerako Eskualdeetan enpresen %53,7 aritu ziren berrikuntzan Araban; Bizkaian, Plentzia-Mungia eskualdean %44,6 zen portzentaje hori, eta Gipuzkoan, Debagoienan, %50,4. Enpresa berritzaileen portzentajerik txikiena zuten eskualdeak beste hauek izan dira: Arabako Lautada (%39,2) Araban, Enkarterriak (%30,6) Bizkaian, eta Bidasoa Beherea (%34,7) Gipuzkoan.
EAEko hiriburuei dagokienez, Donostia nabarmendu zen, enpresa berritzaileak %55,3 izan baitziren. Ondoren Gasteiz kokatu zen, %39,0ko portzentajearekin, eta azkenik, Bilbo, %32,9rekin.
Berrikuntzako jardueren gastuari dagokionez, hiriburuak hartu zituzten eskualdeetan bildu zen hamar langile edo gehiagoko enpresen kopuru handiena. Araban eta Bizkaian eskualde horiek lurraldeko gastuaren %80tik gora izan zuten, eta Gipuzkoan %43.
Araban, 416,2 milioi euroko gastutik 353,7 milioi Arabako Lautadak egin zuen, eta Bizkaian, 1.025,2 milioitik, 820,2 milioi Bilbo Handian gastatu ziren. Gipuzkoan 718,1 milioi eurotik, 307,5 milioi Donostialdean gastatu ziren, baina lurralde horretako beste eskualde batzuetan ere kopuru handiak erabili ziren: Goierrin 122,6 milioi eta Debagoienean 111,9 milioi. Gainera, ehun milioitik gorako gastua izan zuen Bizkaiko Durangaldeak (107,9 milioi).
Azkenik, Bizkaia (%1,2) eta bere Bilbo Handia eskualdea (%1,9) salbuespen gisa hartuta, bai Araban (-%6,3) eta bai Gipuzkoan (-%5,8) ere, berrikuntzako jardueretan egindako gastuak behera egin zuen 2010. urtean, eta, ondorioz, eskualde gehienetako gastuak ere behera egin zuen.
