BILBO, 18 Nov. (EUROPA PRESS) -
Bilboko Itsasadarra Itsas Museoak bere zortzigarren urteurrena ospatuko du igandean, azaroaren 20an, eta urte hauetan zehar gizarteak eta hainbat erakunde eta enpresek eskainitako babesa eskertu nahian, museoak ospakizuna partekatu nahi du guztiekin eta asteburu osoan (azaroaren 19an eta 20an) doako sarrera eskainiko du.
Museoko arduradunek adierazi dutenez, asteburuan bertara hurbiltzen diren guztiek berriki zabaldu diren aldi baterako erakusketa hauetaz gozatuko dute: "Bilboko Kontsulatuaren 500. urteurrena" eta "Bilboko Itsasadarra, Itsasadarrarekin barrezka - Itsasadarra eta zeu". Gainera, oraindik "Boga! Itsasoarekin lehian" erakusketa bisita daiteke; bertan, euskal arraunketaren nondik norakoak erakusten dira, itsasoko lanbideetatik gaur egunera arte.
Azkenik, Bilboko Kontsulaturaren 500. urteurrena ospatzeko antolatu diren ekintzekin bat eginez, azaroaren 23an, arratsaldeko 19:30ean, auditoriumean mahai-inguru bat izango da; Jose Maria Arriola, Natividad de la Puerta, Jesus Ortiz Salazar eta Javier Divar ariko dira Kontsulatuari buruz eta, bereziki, Bilboko merkataritza eta gizartean izan zuen eraginari buruz.
