Foto: FILMAZPIT
DONOSTIA, 5 (EUROPA PRESS)
Donostiako Fantasiazko eta Beldurrezko Zinemaren Astean 2012an Publikoaren Saria lortu zuen Matthias Hoene zuzendariaren "Cockneys vs Zombies" komedia britainiarra Filmazpit katalogoan sartu dute.
Eusko Jaurlaritzak finantzatu eta Donostiako Zinemaldiarekin, Euskadiko Filmategiarekin eta Tabakalera Kultura Garaikidearen Nazioarteko Zentroarekin batera Donostia Kulturak 2011. urtetik kudeatzen duen euskarazko azpitituludun zinema zabaltzeko programa da Filmazpit.
Film britainiarrean, Andy eta Terry bi anaia 'cockney' dira (Londreseko East End langile klaseko auzokoak, oso ingeles berezia hitz egiten dutenak). Ez dute zorte handiegirik bizitzan. Beraien aitona adinekoen egoitza bateko arduraduna da eta, eraikina bota ez dezaten, banku bat lapurtzea erabakiko dute. Hori gertatzen ari den ordu berean, birus arraro bat auzotarrak zonbi bihurtzen ari da.
