BILBO, 17 Feb. (EUROPA PRESS) -
Deustuko Unibertsitateko Aisialdiko Ikaskuntzen Institutuak 15 urte baino gehiago daramatza "Prestakuntza, aisiarako bide" proiektua garatzen, eta horretarako, adinekoentzako kultura-aisiako ikastaroak antolatzen ditu. Oraingoan, institutuak beste apustu bat egin du, eta ikastaro hauek euskaraz ere emango ditu.
Duela urte batzuk, besteak beste, zinema, literatura, artea, historia, erlijioa, musika edo psikologia aztertzen duten ikastaro hauek arrakasta handiz hasi ziren ematen Arrigorriaga, Basauri, Durango, Eibar, Galdakao, Getxo eta Zornotzan.
Deustuko Unibertsitateko iturriek jakinarazi dutenez, otsailaren 22an bigarren seihilekoko programa hasiko da eta ikastaro berriak egingo dira, programaren barruan, euskaraz. Lehenengoa "Euskal literaturaren testuak eta testuinguruan" izango da, Deustun, eta bigarrena, "Psikologia Positiboa: erlaziozko ongizatea bermatzen duten osagaiak", Getxon. Horiek guztiak astero emango dira, maiatza arte.
Gai horiez gain, aurreko edizioetan, honako mintegiak egin dira, eta emaitzak onak izan dira, bai irakasleentzat, bai ikasleentzat: "Superpotentziak, gatazkak eta nazioarteko zuzenbidea XXI.Mendean"; "Hizkuntza zahar, hizkuntza berri (euskararen berri)";"Euskal literaturaren testuak eta kontestuak"; "Liburu klasikoak irakurtzeko eta ulertzeko aholkuak"; "Euskal Herria: Kultura eta tradizioa".
Bigarren seihileko honetako gaztelaniazko eskaintza dela eta, Deustun antolatutako ikastaroetan honako gaiak aztertu dira, besteak beste: "El arte medieval hasta el gótico"; "Anti-envejecimiento y Gimnasia cerebral"; "Lo que hay que escuchar"; "El Arte Abstracto.Europa"; "Problemas éticos actuales: una exposición crítica"; "La ruptura de las vanguardias históricas. Entre la pureza y el compromiso"; "La novela victoriana: La recreación del mundo cotidiano de la clase media inglesa"; eta "El fantástico mundo de Joan Miró".
Halaber, Getxon, honako hauek egingo dira: "Panorama del relato breve"; "Los colores de la Música"; "Cuando el cerebro se agota: depresión y demencia".
