BILBO, 29 (EUROPA PRESS)
Euskal Autonomia Erkidegoko (EAE) Eraikuntzaren Kostuen Indizea %0,1 gehitu zen joan den otsailean, aurreko hilaren aldean, eta, modu honetan, urte arteko tasa %0,9 da, Eustat Estatistikaren Euskal Erakundeak asteazken honetan jakinarazitako datuen arabera.
Aurreko hilaren aldean, eskulanaren kostuak ez zuen aldaketarik izan otsailean (%0,0), eta lehengaien kostuak, aldiz, %0,2 gehitu ziren. Halaber, etxegintza zein obra zibila ataletan %0,2ko gehikuntzak izan ziren prezioetan aurreko hilaren aldean, eta horrela, urte artean, etxegintzako lehengaien kostuak %0,4 eta obra zibilekoenak %4,0 gehitu dira.
Bestalde, sektoreak kontsumitutako lehengaien artean, urte arteko prezio hazkunderik handienak izan dituzte petrolio fintzeak (%46,8), metalurgiak (%6,5) eta makineriak (%1,7), eta jaitsierarik handienak, berriz, kautxu eta plastikoak (-%3,7), material elektronikoak (-%1,1), energia elektriko eta gasak (-%0,7) eta industria kimikoak (-%0,7).
