BILBO, 27 (EUROPA PRESS)
Euskal Autonomia Erkidegoan (EAE) 5.800 langabe gutxiago erregistratu dira 2017ko lehen hiruhilekoan, aurrekoarekin alderatuta, eta horrela, langabezia tasa %11,86 da, INE estatistika erakundeak ostegun honetan kaleratu duen Populazio Aktiboaren Inkestaren datuen arabera.
Modu honetan, urteko lehen hiruhilekoaren amaieran 120.400 lagun zeuden lanik gabe EAEn, hau da, aurreko hiruhilekoan baino %4,60 gutxiago eta joan den urteko lehen hiruhilekoan baino %8,52 gutxiago (11.200 langabe gutxiago).
Halaber, urteko lehen hiruhilekoan okupatuak 894.400 izan dira EAEn, aurreko hiruhilekoan baino 7.700 gutxiago (-%0,85) eta 2016ko lehen hiruhilekoan baino 2.300 gutxiago (-%0,26). Bestalde, pertsona aktiboak 1.014.800 dira, hots, aurreko hiruhilekoan baino 13.500 gutxiago (-%1,31) eta iazko lehen hiruhilekoan baino 13.500 gutxiago (-%1,32).
