BILBO, 18 Ene. (EUROPA PRESS) -
Euskalmet Meteorologiaren Euskal Agentziaren iragarpenaren arabera, ostegunean, urtarrilaren 19an, egunaren hasieran eta amaieran izotza botako du edonon baina eguneko tenperaturak gora egingo du apur bat. Hotz egiten jarraituko du baina maximoak igo egingo dira lurralde osoan. Kantauri isurialdean hodeiak eta urdinguneak tartekatuko dira baina gainerakoan zerua ia oskarbi egongo da.
Tenperaturei dagokienez, hiriburuetan, Bilbon 0 gradu espero dira gutxienez eta 6 gehienez, Donostian -3 gutxienez eta 5 gehienez, Gasteizen -5 gutxienez eta 3 gehienez, eta Iruñean -6 gutxienez eta 1 gehienez.
Itsasoan norabide aldakorreko haizea ibiliko da, 2ko indarrarekin, eta arratsaldean eki-osagaia nagusituko da, 2-3ko indarrarekin. Itsaso kizkurra izango da, itsaskirriko guneekin arratsaldean. Ipar-mendebaldeko hondoko itsasoak 0,5-1 metro arteko olatuak altxatuko ditu. Itsasgorak 08:16an eta 20:47an izango dira, eta itsasbeherak 02:00etan eta 14:38an. Uraren tenperatura 12 gradukoa da eta ikus-eremua hamar kilometrotik gorakoa izango da.
