DONOSTIA, 21 Feb. (EUROPA PRESS) -
Ertzaintzaren agenteek emakumezko bat atxilotu zuten atzo Abanto eta Zierbenako (Bizkaia) industrialde bateko enpresa batean lapurtzea egotzita. Patruila batek adingabeko mutil batekin harrapatu zuen emakumea enpresaren barrutik materiala lapurtzen ari zirela. Agenteek emakumea atxilotu zuten; Bilboko eta Barakaldoko epaitegietako bi atxilotze-agindu zituen bere kontra, Eusko Jaurlaritzako Herrizaingo Sailak jakinarazi duenez.
Lapurreta saiakera atzo arratsaldeko 16:00etan izan zen, Abanto eta Zierbenan. Norbanako batek Ertzaintzari jakinarazi zion furgoneta baten heldu ziren zenbait pertsona industrialde bateko enpresa batera sartu zirela. Patruila batzuk joan ziren bertara eta emakume bat ikusi zuen enpresaren kanpoaldean.
Ertzainak han zeudela ikustean, emakumeak enpresaren barruan zeuden bi lagun ohartarazi zituen. Susmagarriak korrika atera ziren eta ihes egiten saiatu ziren, baina agenteek bat harrapatu zuten: 14 urteko mutil bat. Ertzainek emakumea identifikatu eta atxilotu zuten, eta lapurreta delitu bat inputatu zioten adingabeari, enpresaren atea indarrez ireki zutela egiaztatu baitzuten. Gainera, zizaila bat, zenbait giltz eta erremintak aurkitu zituzten furgonetan, ustez lapurretarako erabiliak.
Emakumea -28 urte- eta adingabea ertzain-etxe batera eraman zituzten ohiko eginbideak burutzeko. Emakumea epailearengana eraman zuten ondoren, Bilboko eta Barakaldoko bi epaitegik bere kontra emandako atxilotze-aginduak zeudelako. Adingabea senide baten esku utzi zuten eta epailearen aurrean agertu beharko du aurrerago. Ertzaintzak ikertzen darrai ihes egitea lortu zuen beste lapurra identifikatu ahal izateko.
