BILBO, 24 Oct. (EUROPA PRESS) -
Eroskik Bizkaiko bosgarren frankizia supermerkatua dena ireki du, Eroski/City eredukoa, Alonsotegiko Areiltzo kaleko 4 zenbakian. 298 metro koadro baino gehiago ditu, eta goi mailako ekoizleen, Eroski markako eta tokiko ekoizleen 3.500 produktu eskainiko ditu.
Eroski/City supermerkatu berriaren eskaintzan produktu freskoak nabarmentzen dira, bereziki tokian tokiko eta sasoian sasoiko frutak eta berdurak. Produktu osasungarrien sorta ere zabalduko du, eta garrantzi handiagoa hartuko du.
Era berean, harategian eta urdaitegian arreta pertsonalizatua eskainiko dute langileek. Gainera, ogia egiteko labe propioa ere izango du, okintzako produktuen freskotasuna egunero bermatzeko. Hilero eskaintzak eta sustapen kanpainak izango dira, kontsumitzaileei aurrezten laguntzeko.
"Erosketak azkar eta eroso egiteko aukera ematen du Eroski/City supermerkatuak. Eskaintza ere berezia du, elikagai freskoetan eta tokikoetan oinarritua hein handian, kontsumitzaileek gero eta estimu handiagoan dituzte eta. Hori lortzeko, nekazaritzako elikagaiak lantzen dituzten euskal hornitzaileekin lankidetza hitzarmenak egin ditu Eroskik", adierazi du Enrique Martínez Eroskiko Frankizien Saileko zuzendariak.
Eroskiren politika komertzialean ahalik eta gehiena indartu nahi dira tokiko ekonomiak, aberastasuna sortzeko ingurunean eta elikagaien industria eta gizartea eta ekonomia oro har indartzeko. Alde horretatik, kooperatiba Euskal Autonomia Erkidegoko (EAE) 450 hornitzailerekin baino gehiagorekin ari da, eta urtero, sektore horretako 10.000 produktu inguru merkaturatzen ditu 400 milioi eurotan erosita.
Tokiko produktu horiek eta bereziki sasoiko produktu freskoek leku berezia hartzen dute EROSKIren saltokietan Zurekin denda eredu berriaren bitartez.
SARIA
Bestalde, 500 frankizia supermerkatutako denda sarea izanik, Eroskik orain gutxi jaso du Merkataritza Frankiziarik Onenaren Espainiako Saria, Frankiziaren Nazioarteko 25. erakusketan.
"Autogestiorako kultura kooperatiboa da gurea eta eredu horrek oso ongi bat egiten du ekintzaileekin filosofiarekin, haiek etorkizuneko aukera gisa ikusten baitute Eroskiren frankizia sarea: negozio eredu lehiakorra eta errentagarria eskaintzen dute frankiziek, eta ekoizleentzat ere errentagarriak izan daitezke", adierazi du Eroskiko Frankizien Saileko zuzendariak.
Alonsotegiko frankizia supermerkatua irekita, kooperatiba sendotzen ari da bere zabalpen plana frankizia ereduaren bidez. Eroskik 44 frankizia denda ireki ditu 2014ko lehen seihilekoan, 280 lanpostu sortu ditu, eta 10,5 milioi euro baino gehiago inbertitu ditu. Hala, kooperatiba zabaltzen ari da bere frankizia eredua, eta 2014. urtea amaitzerako, asmoa du beste ehun bat frankizia supermerkatu irekitzeko. Horiei joan den urteko 46ak batu behar zaizkie.
