BILBO, 16 Mar. (EUROPA PRESS) -
Hezkuntzaren arloan 100dik gora profesionalek eman dute jada izena Leioan (Bizkaia) egingo den eskola-elkarbizitzarako proposamen berrien jardunaldian parte hartzeko. Jardunaldi hau ostiralean izango da, Kultur Leioa aretoko auditoriumean, eta oraindik izena emateko epea zabalik dago info@geuz.es helbidean.
Leioako Udalak antolatutako eta Geuz Gatazka Eraldatzeko Unibertsitate Zentroak lagundutako topaketa honek jarduera-proposamen berriak gehitu nahi ditu eskola-elkarbizitzako planei edukia emateko, eta ikastetxeek garatutako esperientziak partekatzea eta horren inguruan hausnartzeko aukera eskaintzeko. Horrez gain, Leioako Udalak argitaratutako "Eskola-elkarbizitzarako programak eta estrategiak" gida aurkeztu eta banatuko da parte-hartzaileen artean.
Jardunaldia goizeko 9:00etan hasiko da eta arratsaldeko 14:00ak arte iraungo du. Hainbat profesional izango dira hizketan, psikologoak eta pedagogoak tartean, eta hainbat gai jorratuko dituzte, hauen artean 'cyberbulling'-a eta, honetaz gain, eskola-elkarbizitzaren arloko ekimen berriak ezagutaraziko dira, besteak beste.
