BILBO, 10 Feb. (EUROPA PRESS) -
Bilboko Arriaga Antzokiak Manuel Garciaren "L'isola disabitata" (Jenderik gabeko irla) opera produkzioa eskainiko du bihartik igandera bitartean, arratsaldeko 20:00etan, igandeko saioa izan ezik, arratsaldeko 19:00etan hasiko baita. Areto-opera hori 1831n egin zuten lau ahotserako (soprano, mezzosoprano, tenore eta baritono) eta pianoaren akonpainamendurako. Obra honen Europa mailako estreinaldia izango da.
Orain, berreskuratu egingo da Arriaga Antzokiko eszena-zuzendaria eta zuzendari artistikoa den Emilio Sagirekin eta Arriaga Antzokiko zuzendariondoko artistiko Daniel Blancoren eszenografiarekin. Ruben Fernandez Aguirre musika-zuzendariaren gidaritzapean, Manuel Garcia operaren konpositorearen musika entzungo da. Libretoaz, berriz, Pietro Metastasio arduratu da.
"L'isola disabitata" operak aktore-zerrenda bikoitza du, ahots handi eta lirikako promes gazteekin. Carmen Romeu eta Ainhoa Zuazua txandakatuko dira 'Costanza'-rena egiteko eta Marife Nogales eta Maite Maruri mezzosopranoek 'Silvia'-rena egingo dute; Jesus Alvarez eta Gabriel Blanco tenoreak, berriz, 'Gernando'-ren rolean sartuko dira eta Cesar San Martin eta Marc Canturri baritonoak 'Enrico'-renean.
Zortzi bakarlariek osatzen dute Arriaga Antzokiak Sevillako Maestranza Antzokiarekin batera ekoiztu duen opera honen zerrenda bikoitza. "Bi antzokiek indarrak batu dituzte Manuel Garcia maisuaren opera ederra ahanzturatik berreskuratze aldera", antzoki bilbotarreko iturriek adierazi dutenez.
Zerrenda bikoitza hautatzeko arrazoiak asko dira: alde batetik, Arriaga Antzokiaren asmoa da eszenatokian lirikako promes gazteenei abesteko aukera ematea, eta bestetik, opera zaila denez eta Europan inoiz antzeztu ez denez, zerrenda bikoitzarekin programatutako funtzioak egitea hobeto bermatzen da. Gainera, aktore guztiek garrantzi bera izango dute.
Pepa Ojangurenek diseinatu ditu Arriaga Antzokiaren sormenen jantziak, esate baterako, "Katiuska" produkzioarenak, eta orain, gauza bera egingo du "L'isola disabitata" operarekin. Produkzio honetan izango dira, baita ere, Carlos Roo zuzendari-laguntzailea eta Georgina Barrios maisu errepikatzailea. Horiekin osatzen da produkzio honen talde artistikoa. "L'isola disabitata" Europan estreinatuko da bihar, orain arte opera soilik AEBetan estreinatu baita.
Izenburuak adierazten duen moduan, operaren ekintza jenderik gabeko irla batean kokatzen da. Ekaitz arriskutsu baten ondorioz, han babestuko dira Gernando, haren emazte Costanza eta horren ahizpa Silvia. 13 urte igaroko dira irlara joan zirenetik, eta Gernando piratek bahituko dute eta Costanzak irlan bakarrik utzi duela usteko du. Horixe da eszenatokira iritsiko den operaren hasierako argumentua.
