TEHERAN, 15 Jul. (Reuters/EP) -
Irango ipar-mendebaldean gaur erori den hegazkineko 169 bidaiariak hilda egon daitezke, ISNA ikasleen berri-agentziaren arabera. Hala ere, oraingoz ez dago hildakoen balantzaren baieztapen ofizialik.
Aipatu berri-agentziaren arabera, hegazkinean "153 bidaiari eta 16 tripulatzaile" zihoazen. Aurretik, Irango estatu-telebistak jakinarazi zuen hegazkinean 150 pertsona zihoazela eta guztiak hil zirela.
Hegazkina Caspian Airlines konpainiako Tupolev bat zen, eta Teheran eta Armeniako hiriburu Erevan arteko ibilbidea egiten ari zen. Iranen 11:33 zirela erori da, Qazvin hiritik hurbil, IRNA berri-agentzia ofizialren arabera.
"Caspianen 7908 hegaldia (Teherango) Jomeini Imana nazioarteko aireportutik aireratu eta 16 minutura erori da", Irango Hegazkineriako eledunetako bat den Reza Jafar-ek Press TV ingelesezko estatu-telebistari adierazi dionez.
