Foto: Europa Press
av2" class="NormalTextoNoticia" itemprop="articleBody">
BILBO, 21 (EUROPA PRESS)
Euskal Autonomia Erkidegoko (EAE) hotel establezimenduetan 229.667 bidaiariren sarrerak erregistratu ziren joan den urrian, hau da, aurreko urteko hil berean baino 18.511 gehiago, eta, beraz, %8,8ko gehikuntza, Eustaten datuen arabera. Hiru lurraldeetan gehitu ziren bidaiarien sarrerak: %12,4 Gipuzkoan, %21,5 Araban, %2,6 Bizkaian.
Gaualdiak 437.815 izan ziren, aurreko urteko urrian baino 45.446 gehiago (%11,6ko igoera). Gaualdiek ere urte arteko bilakaera positiboa izan zuten EAEko hiru lurraldeetan: Araban %22,0, Bizkaian %6,9 eta Gipuzkoan %14,2.
Espainiako Estatuko bidaiariak %9,6 gehitu ziren aurreko urteko urriaren aldean, eta beste herrialdeteakoak %7,4. Araban atzerritarrak %28,8 gehitu ziren, eta Espainiako Estatukoak %19,2; Bizkaian espainiarrak %4,8 gehitu ziren eta atzerritarrak %1,3 gutxitu; eta Gipuzkoan atzerritarrak %12,8 gehitu ziren eta Espainiako Estatukoak %12,0.
Batez besteko egonaldia 1,91 egun izan zen urrian, aurreko urtekoan 1,86 egun izan zen bitartean. Araban batez besteko egonaldia 2013ko urrian bezala iraun du, 1,76 egun; Bizkaian 1,85 egunetik 1,92 egunera igo da, eta Gipuzkoan 1,91etik 1,94ra.
Plazakako betetze maila %5,6 handitu zen EAE osoan, 2013ko urriko %44,7tik aurtengo %50,3ra. Lurraldeka, Araban %7,7 gehitu zen, %36,2tik %43,8ra; Bizkaian %4,4ko igoera izan zen, %46,4tik %50,8ra; eta Gipuzkoan %6,5 gehitu zen, %46,0tik %52,5era.
Gelakako betetze maila %7,3 gehitu zen Euskadin, eta okupazioa %63,8koa izan zen. Araban %9,4 puntuz gehitu da, okupazioa %55,2ra iritsiz; Bizkaian %6,2 igo zen eta okupazioa %66,7koa izan zen; eta Gipuzkoan %8,0ko igoera izan zen, okupazioa %63,8koa izan arte. Hotel okupaziorik handienak urrian Donostian (%63,4), Bilbon (%58,9) eta Arabako Errioxan (%53,4) izan ziren.
Asteko eguna aintzat hartuta, joan den urrian, Euskadi osoan, okupaziorik handiena asteburuetan izan zen, %62,1ekoa, lanegunetan %45,4 izan zen bitartean.
LANDA TURISMOA
Bestalde, EAEko landa turismoko establezimenduetan 20.906 gaualdi erregistratu ziren urrian, aurreko urteko hil beraren aldean %20,1 gehiago. Araban %0,8ko gehikuntza izan zen, Bizkaian %23,6koa eta Gipuzkoan %27,6koa.
Plazakako betetze maila %17,5 izan zen, aurreko urteko urrian baino %3,3 gehiago. Araban %1,8 igo zen betetze maila, %17,0 izan arte; Bizkaian betetze maila %15,9 izan zen iazko urrian baino %3,2 gehiago; Gipuzkoan %4,0 igo zen, %18,8 izan arte.
Euskadiko landa turismoko ostatuetan 10.561 bidaiariren sarrerak erregistratu ziren urrian, hau da, %20,8 gehiago aurreko urteko hil beraren aldean. Araban %2,9ko gehikuntza izan zen sarreretan, Bizkaian %31,8koa eta Gipuzkoan %25,7koa.
Jatorriari dagokionez, atzerritarren 1.433 sarrera izan ziren, aurreko urteko urrian baino %73,5 gehiago eta sarrera guztien %13,6. Espainiako Estatuko bidaiarien sarrerak %15,4 gehitu ziren. Bidaiariko batez besteko egonaldia pixka bat laburtu zen, 2013ko urriko 1,99 egunetik aurtengo urriko 1,98 egunera.
