Foto: JEAN-PAUL PELISSIER / REUTERS
av2" class="NormalTextoNoticia" itemprop="articleBody">
BILBO, 21 (EUROPA PRESS)
Amaury Sport Organisation (ASO) erakundeak asteazken honetan aurkeztuko du Parisko Biltzarren Jauregian Frantziako Tourraren 2015. urteko edizioko ibilbidea. Irteera uztailaren hasieran izango da, Utrecht hiri holandarrean.
Seigarren aldiz irtengo da Frantziako Tourra Herberehetatik: 1954an Amsterdam izan zen irteera, 1973an Scheveningen, 1978an Leiden, 1996an s'Hertogenbosch eta 2010ean Rotterdam. Utrechteko etapa 14 kilometroko erlojuz kontrakoa izango da hiriko kaleetan zehar.
Ondoren beste bi etapa izango dira Holandan eta Belgikan, eta, hori dela eta, aurtengo edizioan hain erabakiorra izan den pabea berriro ager daiteke. Gainera, Belgikako prentsaren informazioen arabera, Huyko Horma "beldurgarrian" bukatu daiteke etapa bat, lasterketa Frantziara heldu aurretik.
Hortik aurrera, ohikoa den moduan, lehenengo mendiak Pirinioak izango dira, aurretik taldekako erlojuz kontrako etapa bat izango den arren. Ondoren, Erdialdeko Mendigunea helduko da, Alpeak agertu aurretik. Zalantza da beste erlojuz kontrako bat izango den ala ez Parisko Eliseo Zelaietara heldu aurretik.
