DONOSTIA, 1 Mar. (EUROPA PRESS) -
Gipuzkoako Foru Aldundiak lurraldeko zortzi mankomunitateei guztira 400.000 euroko diru-laguntza ematea erabaki, bosgarren edukiontziaren bidez biohondakinak gaika jasotzeko ekimena abian jartzeko edo zabaltzeko elementuak (edukiontziak, ontziak, poltsa konpostagarriak) eskuratzeko gastuei aurre egiteko.
Diru-laguntzak Garapen Iraunkorreko foru diputatu Carlos Ormazabalek eta mankomunitateetako presidenteek aurki sinatuko dituzten hitzarmenen bidez arautuko dira.
Gipuzkoako Foru Aldundiaren erabakiak xedatzen du zenbateko diru-laguntza eman behar zaion mankomunitate bakoitzari biztanle kopuruaren arabera. Horrela, Debabarreneko Mankomunitateak 31.109 euro jasoko ditu; Debagoienekoak, 34.986 euro; San Markos Mankomunitateak, 175.576 euro; Sasieta Mankomunitateak, 39.274 euro; Txingudikoak, 43.775 euro;
Tolosaldekoak, 33.956 euro; Urola Erdikoak, 17.667 euro eta Urola Kostako Mankomunitateak, 23.654 euro.