GASTEIZ, 2 (EUROPA PRESS)
Juan Gargallo Vazquez izan da Gasteizko Andre Maria Zuriaren jaiak iragartzeko kartela aukeratzeko lehiaketaren irabazlea, "Perfiles de Vitoria" izenburuko lanari esker. Irabazleak 33 urte ditu, Gasteizen jaio zen eta Valentzian bizi da. Andre Mari Zuriaren jaiak abuztuaren 4tik 9ra ospatuko dira.
Gasteizko Udalak jakinarazi duenez, DIGA Arabako Diseinu Grafikoaren Profesionalen Elkarteak aukeratutako hiru profesionalek osatu dute lehen hautaketa egiteaz arduratu den epaimahaia, eta sei finalista aukeratu dituzte: "Bajando" (Yvon Wong Lu, Getxo, Bizkaia), "Cele-Donna" (Myriam Villota Melgosa eta Marta Varona Alonso, Burgos), "Celedón (Raul Lopez Martin (Lizarra, Nafarroa), "18:00 h." (Alexandre Fernandez, Gasteiz), "Sinécdoque" (Blanka Barrio, Gasteiz) eta "Perfiles de Vitoria (Juan Gargallo, Valentzia).
Sei kartel finalisten artetik, bi diseinatzailek, Kultur Ekintzen Ataleko arduradunak eta Komunikazio eta Informazio Bulegoko bi teknikarik osatutako epaimahai teknikoak "Perfiles de Vitoria" lana erreserbatzat hautatu zuen lehenengo, eta azkenean hori izan da irabazlea, Alexandre Fernandezena lehiatik kendu ondoren, ez baitzen argitaratu gabea, oinarrien 2. artikuluak xedatzen zuen bezala. Aurkeztutako kartelen erakusketa Lakua, Iparralde eta Hegoalde gizarte etxeetan izango da ikusgai, uztailaren 10etik 28ra.
