BILBO, 3 (EUROPA PRESS)
Juul literatur hauteskunde eguna ospatuko da Euskal Herriko ikastoletan asteartean, apirilaren 4an, eta Haur Hezkuntza, Lehen Hezkuntza eta DBHko 17.000 ikasle inguruk gogokoen dituzten euskaraz argitaratutako liburuak eta liburu ilustratzaileak aukeratuko dituzte.
Ikastolen Elkarteak jakinarazi duenez, hauteskunde hauek ikastoletan irakurtzeko zaletasuna bultzatzeko egiten diren jardueren artean daude, eta ikasleak dira "benetako partaideak", aukeraketa egiteaz gain, hauteskunde mahaietan lehendakari, mahaikide eta idazkari lanetan beraiek aritzen baitira. Horrela, hauteskunde prozesu bat zer den ere ikasten dute.
Ikasleek botoa emateko bi era dituzte: batetik, boto txartelaren bidez, eta, bestetik, boto elektronikoaren bidez. Juull web orria, bozketa elektronikoa egiteko plataforma izateaz gain, irakasleen irakurketa bultzatzeko baliabideen bilgune ere bada: http://www.juulkanpaina.eus
Arabako, Bizkaiko, Gipuzkoako, Nafarroako eta Iparraldeko ikastoletan egingo da bozketa, eta 17.000 ikasle inguruk parte hartuko dute. Boto emaileak sei kategoriatan banatuko dira: A: Haur Hezkuntza eta Ama Ikastola; B: LH (1. eta 2. maila) eta Lehen Maila (1. eta 2. urtea);
C: LH (3. eta 4.maila) eta Lehen Maila (3. eta 4. urtea); D: LH (5. eta 6. maila), LM (5. maila) eta Kolegioa (6); E: DBH-Kolegioa (5., 4., 3.a) eta Lizeoa (2.a); I: Ilustratzaileak. Emaitzak, kontaketa egin ondoren eta dena ongi badoa, egun horretan bertan jakinaraziko dira, gauean.
