MIAMI, 1 Sep. (Reuters/EP) -
'Katia' ekaitz tropikala urakan bilakatu du gaur gauean Ozeano Atlantikotik igarotzean eta orduko 178 kilometroko abiadura har dezake datorren asteburuan. Halaber, 'Lee' izena jaso dezakeen ekaitz elektrikoen multzo batek langile batzuk ebakuatzea ekarri du Mexikoko Golkoan.
'Katia'-k orduko 120 kilometroko haizete jarraituak erregistratu ditu eta ekainetik azarora doan Atlantikoko urakanen sasoiko bigarren urakan bilakatu da, AEBetako Urakanen Zentro Nazionalaren arabera.
Egoitza Miamin duen zentroak zehaztu du 'Katia' urakan "garrantzitsu" bihur daitekeela datorren asteburuan, haizeteak orduko 178 kilometrotik gorakoak izan daitezkeelako. Hala ere, lurreko zonaldeentzat arriskutsua izango den edo ez zehazteko goizegi dela dio.
AEBetako ekialdeko gaueko 23:00etan (goizaldeko 5:00ak Euskal Herrian), 'Katia' Sotavento Irletatik 1.875 bat kilometro ekialdera zegoen. Urakanak mendebal-ekimendebaldeko norabidea zeraman eta egun pare batean ipar-mendebaldera egin dezake bira, Karibeko uharteetatik urrunduz.
Joan den asteburuan 'Irene' urakanak AEBetako ekialdeko kostaldean izandako eraginaren ondoren, Atlantikoko kostaldeko agintariek 'Katia'-ren ibilbidea jarraitu dute.
Atlantikoko urakanen sasoiak izena duten 11 edo 12 ekaitz izaten ditu. 'Katia' hamaikagarrena da jada, eta beraz, oraindik sasoiaren erdia geratzen denez, aurreikusitakoa baino mugituagoa izan daiteke.
'LEE'
Bestalde, Mexikoko Golkoan petrolio eta gas naturaleko operazioak dituzten energia-konpainiek ekaitz tropikalen multzo bat zaindu dute Karibe Itsasoan. Asteazken gauean emandako abisu batean, AEBetako Urakanen Zentro Nazionalak jakinarazi zuen ekaitzen multzoa zikloi tropikal bilakatzeko aukera "handia" zegoela hurrengo bi egunetan.
BP konpainiak asteazkenean bertan ziurtatu zuen bere langileetako batzuk atera zituela Mexikoko Golkoan dituen plataformetatik, ekaitz bihurtzen bada 'Lee' izena jaso dezakeen balizko fenomeno klimatikoaren aurrean.
Anadarko Petroleum Corp. konpainiak geroago jakinarazi zuen Golkoan dituen plataforma batzuetatik funtsezkoak ez diren langile batzuk aterako zituela, eta Royal Dutch Shell-ek ere esan zuen zenbait ebakuazio prestatzen ari zela.
