DONOSTIA, 9 Dic. (EUROPA PRESS) -
Donostia Kirola erakundeak kudeaketa aurreratuko brontzezko A saria lortu du, Euskalit fundazioaren ebaluazio klubeko ebaluazioa gainditu eta gero. Aintzatespen honekin praktika aurreratuak dituzten eta bere interes taldeen (bezeroak, pertsonak eta gizartea) asebetetze orekatua bilatzen dituzten erakundeak saritzen dira, Donostiako Udalak jakinarazi duenez.
Talde ebaluatzaileak bereziki baloratu du Donostia Kirolaren plangintza estrategikoa, bere zerbitzuen hiritarrenganako orientazioa eta gizartearekiko eta ingurumenarekiko duen konpromisua, bere kudeaketak eman dituen emaitza onekin batera. "Sari honekin, kirol zerbitzuak ematen dituzten kirol erakunde publikoen artean erreferente bihurtzen da, eremu honetan aintzatespen hau jasotzen duen Euskadiko lehenengo erakundea baita", nabarmendu du.
Horrela, Donostia Kirolak eskertu egin du bere langile guztien inplikazioa eta dedikazioa, "saria beraien eguneroko lanaren aintzatespena baita". Halaber, donostiarrek eta kirol elkarteen udal kirol zerbitzuekiko erantzun ona ere eskertu du.
Eusko Jaurlaritzak abenduaren 14ean Gasteizko Europa jauregian antolatu duen Kudeaketa Aurreratuari Euskal Sariko Galan jasoko du saria Donostia Kirolak.
