BILBO, 26 (EUROPA PRESS)
Euskal Autonomia Erkidegoan (EAE) 1.900 langabe gehiago izan dira 2018ko lehen hiruhilekoan, aurreko hiruhilekoaren aldean, hau da, %1,72 gehitu dira. Horrela, EAEko langabezia tasa %10,76 da eta guztira 110.200 langabe daude. Iazko hiruhileko beraren aldean 10.200 langabe gutxiago izan dira aurten, hau da, %8,48ko murrizketa izan da, INE estatistika erakundearen Populazio Aktiboaren Inkestaren arabera.
Urteko lehen hiruhilekoan 913.000 landun zenbatu dira EAEn, hau da, aurreko hiruhilekoan baino 2.600 gutxiago (-%0,28) eta 2017ko hiruhileko berean baino 18.900 gehiago (%2,11). Halaber, populazio aktiboa 1.023.500 pertsonak osatzen dute, hots, aurreko hiruhilekoan baino 700 gutxiago (-%0,07) eta iazko hiruhileko berean baino 8.700 gehiago (%0,85).
Sexuaren arabera, gizonezko landunak 479.600 eta langabeak 56.600 dira, eta emakume landunak 433.700 eta langabeak 53.600. Gizonen jarduera tasa %61,36 da, eta langabezia tasa %10,58. Emakumeen artean, jarduera tasa %51,47 da, eta langabezia tasa %10,99.
