BILBO, 17 (EUROPA PRESS)
Lara Arruabarrena tenislaria Bastadeko (Suedia) txapelketako finalerdia jokatzeko sailkatu da, Jana Cepelova txekiarra erretiratu ondoren, ordurako tolosarrak partida ondo bideratuta zuen arren. Bastadeko txapelketa lur gainean jokatzen da eta WTArako puntuagarria da.
Txekiako jokalariak partida utzi behar izan du, lehenengo seta galdu eta bigarrenean 5-2 galtzen joan ondoren. Modu honetan, tenislari gipuzkoarrari pauso bakarra geratzen zaio finalera heltzeko.
Arruabarrenak sendo hasi du partida, eta, bi break lortuta, 5-2 irabazten jarri da. Cepelovak tolosarraren sake bat hautsi du, baina Arruabarrenak itzuli eta lehenengo seta irabazi du (6-3). Bigarren partzialean, tenislari gipuzkoarrak laugarren jokoa hautsi dio, Cepelovari abantaila hartuz, eta pixka bat geroago txekiarrak partida utzi du.
Modu honetan, Lara Arruabarrena bigarren aldiz heldu da WTA zirkuituko finalerdi batera, Nurembergen (Alemania) ondoren, eta finalerako sailkatzen saiatuko da Mona Barthel alemanaren eta Rebecca Peterson suediarraren arteko partidaren irabazlearen aurka.
