BILBO, 10 (EUROPA PRESS)
Eibar futbol taldeko Jose Luis Mendilibar entrenatzailea eta Sergi Enrich aurrelaria Santander Ligako otsaileko onenak aukeratu dituzte euren kategorietan, Ligako zortzigarren postuan dagoen talde gipuzkoarraren goranzko ibilbidea aintzatetsiz, LaLigak jakinarazi duenez.
Eibarrek hiru garaipen, berdinketa bat eta porrot bat izan zituen joan den otsailean. Gainera, garaipenak oso argiak izan ziren, Valentzia (0-4), Granada (4-0) eta Malagaren (3-0) aurka. Sergi Enrich aurrelari balearrak lau gol sartu zituen otsaileko bost partidetan.
Entrenatzaile bizkaitarraren hitzetan, "guztiok batera goaz" Eibarren. "Aurkariaren zelaian jokatu nahi duen erasoko taldea gara", gaineratu du. Bestalde, Balearretako jokalariak esan duenez, Lehen Mailan jarraitzeko helburua ia lortuta dutela, "lortzen dugunean, datorren urtean Europan jokatzea bezalakoetan pentsatuko dugu".
