Niña Coyote eta Chico Tornado bikoteak "Lainoland" disko laburra argitaratu du
Foto: NIÑA COYOTE ETA CHICO TORNADO
av2" class="NormalTextoNoticia" itemprop="articleBody">
BILBO, 5 (EUROPA PRESS)
Ursula Strong (bateria) eta Koldo Soret (gitarra eta ahotsa) musikariek osatzen duten Niña Coyote eta Chico Tornado bikote donostiarrak "Lainoland" izenburuko bost abestiko disko laburra argitaratu berri du.
Diskoa osatzen duten bost kantak 2014ko urrian San Frantziskoko Faultline estudioetan grabatu zituen bikoteak, Kalifornian eta Mexikon zehar egindako birako egun libre batean. Zuzenean, analogikoan eta egun bakar batean erregistratu zituzten Yoshio Haraguchi aginduetara.
Diskoan estudioan bertan idatzitako hiru kanta daude, "Duten haize eza" eta Jimi Hendrixen "Foxy Lady" kanten bertsioekin batera. Materiala Andoaingo Garate estudioetan nahastu eta masterizatu zuen Kaki Arkarazok, eta produkzioa Koldo Soretek berak egin du.
