BILBO, 15 May. (EUROPA PRESS) -
Ofita euskal enpresak Dubaiko World Trade Center-ean egingo den The Office Exhibition delako erakusketan parte hartuko du maiatzaren 17tik 19ra bitartean. Isao Hosoe-k diseinaturiko 'Iroha' bulegoko aulkia eta aurki Milanen aurkeztu duen 'iSurf' mahaia Ekialde Ertainean aurkezteko aprobetxatuko du bidaia.
Konpainiak jakinarazi duenez, 'iSurf' (intelligent surface) teknologia integratua duen mahai berri bat da, komunikazio aktibo eta modernorako bere modalitate guztietan. Enpresak azaldu duenaren arabera, taldeei aurkezpen multimediak modu eraginkorrean egitea ahalbidetzen du.
Ofita enpresak 'contract' delako eta bulegorako produktuen sorta batekin doa Dubaiko erakusketara. "Atzerriko merkatuak hazkunde bide bezala" ikusten dituenez, enpresa aurki itzuli da Milanetik, Salone Ufficio azokan parte hartu baitu. Gainera, Design Prima (Londres) eta Orgatec (Kolonia, Alemania) azoketan ere parte hartuko du.
Konpainia Europan, Ekialde Ertainean, Hego Amerikan eta Karibean dago, eta banku, aseguru, telefonioa edo automozio enpresentzat eta instituzioentzat ekipamendurako proiektuak garatzen ditu.
