Foto: BEATRIZ VELASCO/EP
DONOSTIA, 12 (EUROPA PRESS)
La Oreja de Van Gogh talde donostiarrak "Cometas por el cielo" izenburuko bere disko berria aurkeztuko du zuzenean urtarrilaren 14an eta 15ean, larunbatean eta igandean, 20:00etan eta 19:00etan, hurrenez hurren, Donostiako Kursaal Auditoriumean, Kursaal Fundazioko arduradunek prentsa ohar bidez jakinarazi dutenez.
Disko hau -2011ko irailean kaleratu zen- lehenengo postuan egon zen salgai jarri zen aurreneko astetik bertatik, eta orain ere lehen postuetan jarraitzen du. Zuzenean sartu zen lehen postuan iTuneseko diskoen zerrendan kaleratu zen aste berean, eta iTunesen lehena izan zen "La niña que llora en tus fiestas" singlea, Amerikako irratietako Top 10-etan egoteaz gain.
"Cometas por el cielo" taldearen seigarren lana da, eta taldeak berak eta Simon Nordberg suediarrak ekoitzi dute. Diskoa Music Lan Recording Studios-en grabatu zen, Gironan, Stockholm-en nahastu zen eta Björn Engelman-ek masterizatu zuen hiriburu suediarrean bertan. Diskoaren artea eta singlearen azala Serge Biraulten ilustratzaile frantsesaren lana dira.
