BILBO, 11 (EUROPA PRESS)
Kontsumo Prezioen Indizea (KPI) %0,4 murriztu zen joan den otsailean, aurreko hilarekin alderatuta, eta urte arteko tasa %-0,5 da. Modu honetan, prezioak %2,4 jaitsi dira 2016ko lehenbiziko bi hilabeteetan, INE estatistika erakundeak jakinarazi dituen datuen arabera.
Etxebizitza (%-1,8), Jantzi eta oinetakoak (%-1,7), Elikagai eta alkoholik gabeko edariak (%-0,7) eta Garraioa (%-0,7) sektoreetan murriztu ziren prezioak otsailean, eta Tresneria, Hezkuntza eta Hotel, kafe eta jantokiak taldeetan ez ziren aldatu. Aitzitik, Alkoholdun edari eta tabakoa (%0,1), Medikuntza (%0,1), Aisia eta kultura (%0,3), Besteak (%0,3) eta Komunikazioak (%1,5) sektoreetan prezioak garestitu egin ziren.
Azken 12 hilabeteei dagokienez, Komunikazioak (%2,7), Elikagai eta alkoholik gabeko edariak (%1,9), Besteak (%1,8), Hotel, kafe eta jantokiak (%1,2) eta Medikuntza (%1) sektoreak izan dira inflazionistenak. Alkoholdun edari eta tabakoan (%0,1), Jantzi eta oinetakoetan (%0,7) eta Hezkuntzan ere igo dira prezioak azken 12 hilabetetan. Aitzitik, prezioak murriztu egin dira urte artean Etxebizitza (%-5,7), Garraioa (%-4,7) eta Aisia eta kultura (%-0,4) sektoreetan, eta Tresnerian ez dira aldatu.
Urteko lehen bi hilabeteei dagokienez, Elikagai eta alkoholik gabeko edariak, Medikuntza eta Hezkuntza sektoreetan prezioak ez dira aldatu; Jantzi eta oinetakoak (%-17,3), Etxebizitza (%-5,3), Tresneria (%-0,9), Garraioa (%-2,4) eta Aisia eta kultura (%-1,8) sektoreetan jaitsi egin dira; eta Alkoholdun edari eta tabakoan (%0,2), Komunikazioetan (%1,7), Hotel, kafe eta jantokietan (%0,2) eta Besteak sektorean (%0,8) igo egin dira.
