BILBO, 13 (EUROPA PRESS)
URA Uraren Euskal Agentziak amaitu du seigarren urtez jarraian Euskal Autonomia Erkidegoko (EAE) ibaien arroetan aurki daitezkeen espezie inbaditzaileak kentzeko eta kontrolatzeko egin duen kanpaina. Guztira, 150.000 euro inbertitu ditu eta 80.000 metro koadro inguruan lan egin da.
Lau hilabetean zehar, EAEko ibaien erriberetan eragin gehien duten espezieak kendu eta kontrolatzen jardun da, besteak beste, Fallopia japonica, Arundo donax (kaña arrunta), Baccharis hamilifolia edota Budleja davidii.
URAk gogorarazi du espezie inbaditzaileek arazo anitz eta mota ezberdinetako kalteak eragiten dituztela, espezie inbaditzaileek tokiko komunitate biologikoei eragiten baitiete, bertako espezieak mugiaraziz,
hibridazioa eta gene nahasketa eraginez, eta ekosistemetara edota azpiegitura eta ekipamenduetara aldaketak eta kalteak ekarriz.
