BILBO, 9 (EUROPA PRESS)
Tren batek Bilboko Zorrotza auzoko trenbide pasagune batean ostegunean harrapaturiko emakumeetako bat hil da goizalde honetan Gurutzetako ospitalean, jasandako zauri larrien ondorioz, ospitaleko iturriek jakinarazi dutenez.
Ezbeharra ostegunean gertatu zen, arratsaldeko 17:00ak aldera, bi emakume Fevek Zorrotzan duen trenbide pasagune batetik igarotzera zihoazela tren batek harrapatu zituenean. Kolpearen ondorioz biktimek lesio larriak jasan zituzten eta Basurtuko eta Gurutzetako ospitaletara eraman zituzten.
Basurtura eraman duten emakumea oraindik ospitaleratuta dago, ospitaleko iturriek Europa Press albiste agentziari adierazi diotenez, baina Gurutzetan zegoena goizalde honetan hil da.
