OURENSE, 16 Jul. (EUROPA PRESS) -
A Garda Civil achou este luns o cadáver dun veciño nun regacho da zona de Vilar de Conde, en Carballeda de Avia (Ourense).
Tal e como informou a Europa Press a comandancia de Ourense, o corpo pertence a un varón de 61 anos.
O home, segundo estimou o forense desprazado até a zona, púidose afogar ao bañarse no arroio, xa que o cadáver se atopou en roupa interior e o resto de vestimentas se situaban na beira do río.