cia" class="NormalTextoNoticia" itemprop="articleBody">
LUGO, 23 Abr. (EUROPA PRESS) -
Un adolescente resultou ferido na noite do martes tras precipitarse dende un segundo piso do Centro de Menores da localidade de Rábade (Lugo).
Os feitos sucederon sobre as 22,49 horas do martes no Centro de Menores situado na Avenida da Coruña, en Rábade, cando, segundo informou o 112, un rapaz se precipitou dende un segundo piso.
Tras recibir a alerta dun particular ás 22,49 horas do martes, o 112 Galicia, ademais de pasar aviso a Urxencias Sanitarias de Galicia-061, pediu a intervención da Guardia Civil e da Policía Autonómica.
O 061 desprazou ao lugar un médico do Punto de Atención Continuada (PAC) da zona e unha ambulancia asistencial, que trasladou ao menor ferido ao Hospital Universitario Lucus Augusti (HULA) de Lugo, segundo indicaron a Europa Press fontes sanitarias.
