SANTIAGO DE COMPOSTELA, 3 Mar. (EUROPA PRESS) -
O presidente da Confederación de Empresarios de Galicia (CEG), José Manuel Fernández Alvariño, considera "francamente positivos" os datos do paro de febreiro na Comunidade, "despois duns meses nos cales non se remata de arrancar", pois "é importante" que haxa "unhas 1.500 persoas menos rexistradas como desempregados. De tal forma, prevé un 2015 "importante" para o emprego, aínda que le "preocupa" que o "poida tombar" a "esquerda radical".
O número de parados rexistrados nas oficinas dos servizos públicos de emprego (antigo Inem) en Galicia en febreiro situouse en 257.549, o que supón un descenso de 1.453 persoas en comparación con xaneiro (-0,56%), segundo os datos que publica este martes o Ministerio de Emprego e Seguridade Social.
En declaracións aos medios este martes, tras participar en Santiago na apertura do IV Foro internacionalización da economía galega, Alvariño valorou que estes datos de paro "supoñen unha confirmación" de que "a macroeconomía está a tirar e o crecemento do ano 2015 vai ser importante". "Creo que a cifra do (aumento do PIB) 2,5%; 2,6%; 2,7%; 2,8% é posible, e en Galicia o mesmo, e iso vai xerar emprego", remarcou.
De tal forma, o presidente dos empresarios agarda que as cifras de marzo, abril e maio "consoliden" este tendencia, co "obxectivo principal" de que haxa contratacións.
A este respecto, referiuse á "necesidade de siga habendo reformas" como a fiscal, da Administración e "reforma laboral". "Creo que iso vai dar un impulso moi importante, independentemente de que o comportamento dos mercados estean normalizados", agrega.
"Preocúpanos o tema catalán, preocúpanos o tema da esquerda radical, que son os que poden tombar un pouco o devir do ano 2015, no que creo que se vai xerar emprego importante", subliñou.
EMPREGO PRECARIO
No tocante á demanda dos empresarios de máis reformas, foi preguntado pola súa opinión acerca dos traballadores que chegan con dificultades co fin de mes por ter un salario precario.
"A min o que me preocupa son os tres millóns e medio, catro millóns que non teñen nada, polo tanto eu non quero facer un apelido da contratación", respondeu o presidente da patronal galega sobre esta cuestión.
"Eu quero dicir que contratemos, que contratemos, porque é a máxima aspiración dos empresarios, contratar, e a Administración ten que facilitar a implantación de empresas,", remarcou.
Así, pediu "acabar con esa lacra" de que "haxa millón e medio de xente desaforada da sociedade civil". "O Noso obxectivo é a contratación, non pogamos apelidos", resolveu.
