LUGO, 4 Sep. (EUROPA PRESS) -
O condutor dun turismo resultou ferido de gravidade este venres tras sairse da estrada pola que circulaba co seu vehículo no termo municipal do Saviñao (Lugo). Á súa vez, o coche incendiouse tras precipitarse por un desnivel de 300 metros.
Segundo os datos facilitados polo 112 a Europa Press, o sinistro tivo lugar sobre as 12,59 horas na estrada de Currelos a Reirís no lugar de Teibel. O condutor estaba inconsciente tendido no chan, ao lado do coche.
Ao lugar foron mobilizados os Bombeiros de Chantada, a Garda Civil de Tráfico e o 061, que desprazou un médico e unha ambulancia que traslado ao ferido ao Hospital de Monforte.
O equipo de bombeiros encargouse previamente de apartar o ferido das lapas, e traballar nos labores de extinción, que finalizaron dúas horas despois tras estenderse polos arredores do vehículo.
