SANTIAGO DE COMPOSTELA, 29 Jul. (EUROPA PRESS) -
A asociación ecoloxista Arco Iris vén de pedir á Consellería de Medio Ambiente que poña as pilas" coa protección do Parque Natural das Fragas do Eume fronte aos incendios forestais, tras os "conatos" de lume rexistrados nos últimos días nas súas inmediacións.
Nun comunicado, a asociación ecoloxista advertiu ao departamento dirixido por Ethel Vázquez de que, "se non desexa asumir os custos políticos e ecolóxicos doutra catástrofe como a de abril de 2012", é necesario "despregar con carácter estable unha serie de servizos de vixilancia e protección" nas zonas "máis sensibles" do parque.
Arco Iris mantén dous procesos abertos, ante a UE e ante o Valedor do Pobo, para que Medio Ambiente aprobe "dunha vez por todas" o Plan Reitor de Uso e Xestión (PRUG) de O Eume, "ferramenta básica e imprescindible para elaborar un plan específico de prevención e extinción de incendios forestais" na zona.
Non obstante, lamentan, Medio Ambiente "aínda "non puxo" a disposición do Valedor "os documentos que expoñan de xeito claro e fidedigno cal é a situación administrativa actual das Fragas e que calendario de previsións teñen na Xunta".
