SANTIAGO DE COMPOSTELA, 24 Abr. (EUROPA PRESS) -
O secretario xeral do PSdeG, José Ramón Gómez Besteiro, acusou este xoves o Goberno de intentar levar a cabo "unha mutación constitucional encuberta" coas súas reformas en materia xudicial, toda vez que, ao seu xuízo, buscan "máis control da Xustiza polo Executivo" e "maior dificultade da cidadanía no acceso a este servizo público esencial".
"Non pretendo ser alarmista", sinalou o líder dos socialistas galegos, pero fixo fincapé en que o Goberno está a protagonizar "un ataque frontal e encuberto á cláusula do Estado social e democrático de dereito".
E é que como interpretou --na inauguración dunhas xornadas de debate sobre a Xustiza organizadas polo Grupo Parlamentario Socialista-- o PP "confunde a representación da soberanía co exercicio da soberanía". "Cre firmemente que pode e mesmo debe alterar a sociedade para adaptala ao seu modelo ideolóxico", subliñou.
(HABERÁ AMPLIACIÓN CON FOTO)
