BRUXELAS, 22 Sep. (EUROPA PRESS) -
O eurodeputado socialista José Blanco pediu este luns á Comisión Europea que conceda axudas á flota afectada polo peche da pesqueira da sardiña decidida por España e Portugal, ao considerar que os pescadores se viron sorprendidos pola medida, xa que non se lles informa do esgotamento da cota en tempo real.
"As autoridades non lles comunicaran (aos pescadores) que estivese a punto de alcanzarse (o fin da cota de pesca), dado que non se traslada á flota información sobre o progreso no consumo da cota", explicou o eurodeputado nunha pregunta escrita ao Executivo comunitario.
Neste sentido, Blanco pide a Comisión que examine a "inclusión" dos afectados nalgunha liña de axudas e interésase por se os Gobernos español e luso se dirixiron a Bruxelas para formular este tipo de compensacións.
