SANTIAGO DE COMPOSTELA, 25 Nov. (EUROPA PRESS) -
O secretario de Organización do BNG, Bieito Lobeira, reclamou máis medios e actuacións en prevención para combater o "terrorismo machista".
"Non é día para chorar ou lamentarnos da violencia de xénero, do terrorismo machista", manifestou o responsable político, preguntado en relación a este 25 de novembro, Día contra a violencia machista.
"É un momento de reivindicar e dicimos claramente que non se están a poñer en marcha todo o preciso para acabar con esta lacra", indicou, ao respecto do que incluíu os "resortes no ámbito xudicial".
