SANTIAGO DE COMPOSTELA, 22 Sep. (EUROPA PRESS) -
O voceiro nacional do BNG, Xavier Vence, reivindicou o proceso de "diálogo moi profundo" que entaboou a súa formación a través de asembleas abertas e que pretende "ser capaces de lograr unha grande alianza" coa base "rebelde" da sociedade, pero que pasa, así mesmo, por un proxecto nacionalista para as municipais.
Deste xeito, e malia que hai mareas e varios movementos sociais en marcha, o BNG posiciónase como un polo nacionalista en torno ao cal aspira a aglutinar un proxecto "nacionalista" con toda a base social que responde con "contundencia" á situación que se está a vivir neste momento de crise.
Vence explicou, a raíz de chamamentos como o dos integrantes de AGE, que o seu se trata dun "proxecto amplo", no que non se pecha a porta, pero insistiu en que, para "saír da crise", é precisa unha "alternativa política propia".
