VIGO, 22 Ene. (EUROPA PRESS) -
A Policía Nacional da Comisaría de Vigo activou o protocolo de desaparicións para localizar a un veciño da cidade olívica, de 38 anos de idade, que está en paradoiro descoñecido desde o domingo pola noite.
No marco das actuacións, confirmaron fontes da Comisaría de Vigo, un helicóptero policial realizou un voo de inspección sobre as instalacións das antigas fábricas do Grupo de Empresas Álvarez na mañá deste luns.
As mesmas fontes explicaron que varias testemuñas situaban ao home desaparecido nesa zona, na parroquia de Cabral, aínda que a procura por aire e por terra (con presenza de dotacións policiais e de bombeiros) non tivo éxito polo momento. Mantense activa a alerta para localizar a este veciño.
