PONTEVEDRA, 21 Ago. (EUROPA PRESS) -
Efectivos de emerxencias buscan a unha muller desaparecida desde o pasado domingo no municipio pontevedrés de Silleda.
Segundo informou o 112-Galicia, aínda que a muller desapareceu o domingo non foi até este martes cando se solicitou a colaboración dos membros do Grupo de Apoio Loxístico da Axega, que xa participan no dispositivo.
En concreto, desde pouco antes das 13,00 horas incorporáronse aos labores os efectivos da unidade de drones da Axega e os cans de rescate de Protección Civil de Padrón.
A maiores, no dispositivo, coordinado pola Garda Civil, participan efectivos do GES e de Protección Civil de Lalín.
