SANTIAGO DE COMPOSTELA, 5 Oct. (EUROPA PRESS) -
O sindicato CSIF pediu este luns ao presidente da Xunta, Alberto Núñéz Feijóo, que se en realidade "escoitou á sociedade", agora dea "marcha atrás" na privatización da sanidade pública.
A través dun comunicado despois de que o mandatario xustificase a destitución de Rocío Mosquera como conselleira de Sanidade en que "escoitou" as queixas da cidadanía, o sindicato requiriu que o cambio non sexa unicamente "de caras" senón que supoña "un xiro nas políticas sanitarias da Xunta".
Crítico coa "pésima dirección" de Mosquera e co seu "escaso diálogo" dende a consellería, CSIF manifestou que confía en que "a experiencia na xestión sanitaria" do novo conselleiro, Jesús Vázquez Almuíña, "facilite o diálogo cos sindicatos" e permita "reconducir" diversos aspectos.
