SANTIAGO DE COMPOSTELA, 26 Ene. (EUROPA PRESS) -
A vicevoceira de Alternativa Galega de Esquerda (AGE) e coordinadora de Esquerda Unida, Yolanda Díaz, considerou "desexable acumular forzas", como o exemplo de Syriza en Grecia", e reivindicou os contactos e a relación que mantivo co partido de esquerda radical tanto IU como a coalición galega pola que se presentou ás autonómicas.
En declaracións aos medios nos corredores do Parlamento, e tras a vitoria de Syriza este domingo, Yolanda Díaz subliñou que é un momento de esperanza para os pobos do sur de Europa" e remarcou que "reflicte que hai posibilidade de cambio" fronte ás políticas de austeridade.
"O que desexamos é que haxa unha acumulación de forzas abondas agora no conxunto de Europa para ir cambiando radicalmente as políticas de austeridade, de pobreza e as políticas de recortes", expresou.
Para Yolanda Díaz, é un momento de "esperanza e cambio" e, agora, "hai que conseguir que todas estas políticas" defendidas por Syriza se leven a cabo.
RELACIÓN CON AGE
Preguntada por que supón a vitoria da esquerda radical en Grecia para AGE, Yolanda Díaz recordou que ela xa chamara a conformar a "Syriza galega" nas autonómicas de 2012, porque cría que "había un momento de excepcionalidad que esixía convivencia e a posta en común de políticas distintas e que o cambio empezaba por Galicia".
Nas autonómicas de 2012, Esquerda Unida concorreu xunto con Anova -- que naceu dunha escisión do BNG-- aos comicios nunha coalición na que tamén participaron os Ecosocialistas e Equo e que encabezaron Xosé Manuel Beiras e a propia Yolanda Díaz (como número dous da candidatura por A Coruña). Con esta alianza, logrou irromper na Cámara galega con nove escanos.
Entón, nun multitudinario mitin en A Coruña, o que era líder de Syriza en Europa, Starvos Karagkounis, participou e deu o apoio a AGE asegurando que o cambio en España empezaría polo "norte", en alusión a Galicia.
Á marxe deste acontecemento, Yolanda Díaz recortou que Alexis Tsipras protagonizou outros contactos. De feito, o grego ofreceu un mitin en Galicia en precampaña electoral para as europeas de maio de 2014, o único en todo o Estado.
"Polo tanto, satisfacción e moita solidariedade, e dende xa mesmo seguiremos tendo encontros con Syriza", remarcou Yolanda Díaz en declaracións aos medios este luns, nas que tamén recordou que unha ampla delegación da esquerda plural acudiu a Atenas este domingo, entre eles, dixo, Alberto Garzón.
