A CORUÑA, 27 Ago. (EUROPA PRESS) -
Dous grupos galegos, 'Lonely Coaster', da Coruña, e 'A Buxaina', de Vigo (Pontevedra) foron os gañadores do concurso de maquetas do Festival da Luz 2014, segundo informa a Fundación Paideia.
En concreto, resultaron premiados na primeira edición do concurso 'Cultivando música' e actuarán en Boimorto (A Coruña) os días 13 e 14 de setembro.
A Fundación Paideia, a través do Estudio de gravación musical MANS e Zircozine, convocaron o concurso "destinado á promoción de músicos e/ou grupos noveis, sen obra editada", precisa.
Nesta primeira edición, participaron grupos procedentes de case todas as provincias españolas e, nela, premiáronse dous estilos musicais, pop-rock e folclore.
Os requisitos para participar foron que o artista ou grupo non tivese editado nin distribuído comercialmente ningún traballo, e que a maqueta enviada estivese composta por unha canción en formato mp3.
