O presidente do PPdeG participa en Ferrol no primeiro acto sectorial de precampaña centrado na familia
FERROL, 30 Ago. (EUROPA PRESS) -
O presidente do PPdeG e candidato á reelección nas eleccións autonómicas do 25 de setembro, Alberto Núñez Feijóo, comprometeuse a "solicitar do Goberno de España unha rebaixa do Imposto do Valor Engadido (IVE) para os alimentos sen glute e facilitar a alimentación das familias que teñen fillos celiacos".
O tamén presidente da Xunta asegurou ser "consciente" de que eses alimentos "son máis caros, se poden comprar en menos tendas e supoñen un esforzo económico adicional" e por iso trasladou que creo que "se"vai conseguir". "Se todas as comunidades autónomas e o Goberno de España nos poñemos de acordo e buscamos diminuír a dificultade ás familias para a súa alimentación", apostilou.
As devanditas manifestacións realizounas en Ferrol, na celebración do primeiro acto sectorial de precampaña, centrado na familia, e onde estivo acompañado, no Parque Reina Sofía, polo presidente do PP de A Coruña, Diego Calvo e polo de Ferrol, José Manuel Rey Varela, xunto a representantes de varias asociacións e entidades sociais da cidade naval.
"Parécenos que as políticas sociais teñen que ir moi centradas nas familias, dende que se nace ata que nos imos facendo maiores e seguimos necesitando, ao igual que un bebé, o compromiso das familias,", subliñou.
Neste contexto, Feijóo realizou un pormenorizado repaso ás políticas de benestar social postas en marcha polos seus gobernos e incidiu en que o seu "obxectivo é estar ao lado daquelas familias que máis os necesiten". Así, trasladou que "un goberno de maiorías ten que traballar tamén cada día pensando no benestar destas".
AUTONOMÍA
Núñez Feijóo chamou a atención sobre que "o primeiro que piden as familias é emprego", para ser independentes". "Xa levamos 33 meses seguidos nos que o paro se reduce e 28 meses consecutivos de crecemento da afiliación á seguridade social", resaltou ao respecto.
Así, reivindicou que dende este ano 2016, o seu Executivo aprobou a eliminación do imposto de sucesións e doazóns, da que se "benefician o 99 por cento dos cidadáns" e que vén a facer "xustiza" con aquelas persoas que tras perder os seus pais ou fillos "tiñan que pagar por herdar aquilo que estes lograran co seu esforzo".
INFANCIA
O presidente do Partido Popular galego tamén dirixiu as súas palabras facía os nenos, ao sinalar que "Galicia acompaña os nenos dende que nacen ata que chegan á maioría de idade".
Neste sentido, apuntou que a comunidade ten "o calendario de vacinación máis completo de España", e valorou tamén a concesión das axudas de 100 euros ao mes, durante o primeiro ano, a través da 'Tarxeta Benvida'.
Igualmente, referiuse á posta en marcha de escolas infantís, "cun 75 por cento máis de prazas públicas de gardaría que en 2009", ademais da tarxeta 'Xente Nova' para poder desprazarse de xeito gratuíto no transporte público metropolitano para os menores de 19 anos.
MAIORES
Do mesmo xeito, Feijóo apelou aos maiores de Galicia, dos que dixo que "teñen dereito a envellecer" do xeito que prefiran".
A comunidade galega, sinalou, dispón "dun terzo máis de prazas de centros de día e residencias de maiores que en 2009", ademais de "multiplicar por catro o número de persoas que reciben o servizo de axuda no fogar".
Por último, apuntou que dispón, a través do Goberno da Xunta, "do complemento máis alto de España para todas as pensións non contributivas".
