av2" class="NormalTextoNoticia" itemprop="articleBody">
SANTIAGO DE COMPOSTELA, 18 Sep. (EUROPA PRESS) -
O presidente da Xunta, Alberto Núñez Feijóo, enmarcou na "normalidade" o relevo de Nieves Domínguez na xerencia do Servizo Galego de Saúde (Sergas) e sinalou que o cambio se materializará no momento "oportuno", pero "máis pronto que tarde".
Malia as voces que apuntan á existencia de enfrontamentos entre Domínguez e a conselleira de Sanidade, Rocío Mosquera, o presidente insistiu en que a causa da marcha de Domínguez é a súa intención de retomar a súa profesión no ámbito asistencial.
"Hai outra xente que se foi para volver ao seu posto de traballo ou para adquirir outras responsabilidades, os relevos están dentro da normalidade na administración pública", insistiu o presidente galego, quen exemplificou co recente cambio na Dirección Xeral de Mobilidade.
Engadiu que "se agradece" a todos o traballo feito na Administración para concluír que o xerencia é un posto "importante", polo que se materializará o cambio cando se considere "oportuno". "Dende logo, máis pronto que tarde", resolveu.
