SANTIAGO DE COMPOSTELA, 23 Nov. (EUROPA PRESS) -
Tres persoas, entre elas un menor de idade, resultaron feridas este domingo pola caída dunha árbore dentro do recinto do Hotel Balneario, no municipio de Mondariz-Balneario (Pontevedra).
Segundo informou o CAE 112 Galicia, sobre as 12,30 horas un particular alertou de que a caída dunha árbore neste punto deixara atrapado ao menor, que puido ser rescatado sen necesidade de empregar os equipos de excarceración, e provocado feridas a outras dúas persoas.
Ao lugar acudiron os servizos de Urxencias Médicos 061, que precederon a evacuar o mozo ao Hospital Xeral de Vigo. Tamén trasladaron a dous adultos para que recibisen atención médica debido ás súas lesións, precisaron fontes sanitarias.
Ademais, tamén se mobilizaron os bombeiros de Ponteareas e Baixo Miño, así como efectivos da Garda Civil e persoal do Concello de Mondariz-Balneario.
